Ir ao contido

Peticións e melloras: fala con RoninBox

Publicado o
  • Quen pode facelo: Administrador ou xestor do box
  • Onde está: Soporte ▸ Peticións e melloras
  • Tempo: 3 minutos
  • Comprobado o: 18 de novembro de 2026

Peticións e melloras é o sitio onde lle contas a RoninBox que lle falta ao teu box, que mellorarías ou que non funciona. Ábreo desde o teu propio RoninBox, en Soporte ▸ Peticións e melloras, sen crear outra conta.

Menú lateral do panel coa sección Soporte ao final e, dentro, a entrada Peticións e melloras marcada co número 1
A entrada está na última sección do menú lateral.

Os administradores e os xestores do box. Os adestradores e os socios non ven a entrada. Cada persoa entra co seu nome, así o equipo de RoninBox sabe quen pide que.

  1. No menú lateral, baixa ata Soporte e preme Peticións e melloras.

  2. Tamén a tes no menú do teu nome, arriba á dereita, xusto debaixo de Axuda.

  3. Ábrese o portal na mesma lapela, xa identificado co teu nome e o teu box.

Menú de usuario aberto na barra superior, con Peticións e melloras debaixo de Axuda, marcado co número 2
A mesma entrada, no menú do teu nome.

Para volver, preme «Volver a RoninBox» no portal ou a frecha atrás do navegador. Na app do móbil, o portal ábrese no navegador.

Polo de agora, o portal está en castelán.

  • Mis peticiones (As miñas peticións): todo o que o teu box pediu e en que punto está. Podes filtrar por estado.
  • Nueva petición (Nova petición): escolles que é (un erro, unha mellora, algo que RoninBox aínda non fai ou unha dúbida), pónlle un título e unha descrición e, se queres, achegas capturas ou documentos. Unha petición por tema: así contéstase e planifícase cada unha por separado.
  • A conversa de cada petición: o equipo de RoninBox respóndeche aí e por correo, e ti contestas na mesma petición.
  • Hoja de ruta (Folla de ruta): en que está a traballar RoninBox e que chega pronto, co que piden todos os boxes.

Os correos que che chegan sobre unha petición traen unha ligazón a ela. Ao abrila pasas polo teu RoninBox: se non tes a sesión aberta pídeche entrar, e despois lévate directo a esa petición.

  • Pídeche engadir un correo electrónico. O portal necesita o teu correo para contestarche. Engádeo no teu perfil e volve entrar.
  • Non ves a entrada. Comproba que o teu usuario sexa administrador ou xestor do box. Mira Roles e permisos.