Como configurar os impostos da tenda

Para configurar os impostos da tenda en RoninBox creas primeiro unha categoría fiscal (por exemplo «IVE xeral») e despois engádeslle un tipo impositivo coa súa porcentaxe (por exemplo 21 %). Cada variante de produto asóciase a unha categoría e así a venda calcula o imposto.

Onde están

Abre Tenda ▸ Impostos. A páxina ten dúas listas: Categorías fiscais e Tipos impositivos. Cada fila edítase co lapis e bórrase coa papeleira.

Crear unha categoría fiscal

1. En Categorías fiscais, preme Nova categoría.

2. Escribe o Nome (por exemplo «IVE xeral») e, se queres, unha descrición.

3. Preme Gardar.

Crear un tipo impositivo

Necesitas polo menos unha categoría. Se non hai ningunha, RoninBox avísao.

1. En Tipos impositivos, preme Novo tipo.

2. Escribe o Nome, por exemplo «IVE 21 %».

3. Escolle a Categoría fiscal.

4. Escribe o Porcentaxe tal cal: 21 para un 21 %.

5. Decide se marcas «O prezo do produto xa inclúe este imposto».

6. Preme Gardar.

   

   O formulario dun tipo impositivo novo, baleiro. A lista da demo contén filas de proba, por iso non se mostra.

Imposto incluído ou engadido

Esta caixa cambia o que paga o socio. Cun 21 % e un produto de 20,00 €:

• Marcada (IVE incluído): o socio paga 20,00 € e dentro van 16,53 € de base e 3,47 € de imposto.
• Sen marcar (IVE engadido): o imposto súmase e o socio paga 24,20 €.

Na folla de variantes de cada produto, o prezo rotúlase «Prezo (IVE incl.)». No detalle de cada venda ves o imposto desagregado e se ía incluído ou engadido. Mira Vendas da tenda.

Precaución

Os impostos son datos contables. Se non estás seguro do tipo ou de se o prezo o inclúe, consúltao co teu xestor antes de vendelo.

Asignar a categoría a un produto

No paso de variantes de cada produto, a columna Imposto permite escoller a categoría de cada variante. Mira Produtos.

Erros frecuentes

• Non podo crear un tipo. Falta unha categoría fiscal. Créaa primeiro.
• Non podo borrar unha categoría. Úsana produtos ou ten tipos. Cambia a categoría dos produtos e borra os seus tipos antes.
• Un produto sae sen imposto. A súa variante ten «Sen imposto» ou a súa categoría non ten ningún tipo.