Como cancelar unha reserva en RoninBox

Para cancelar unha reserva en RoninBox abre a clase no calendario e preme Desapuntarse. A túa praza queda libre para outro socio e, se o fas a tempo, recuperas o crédito. Se o teu box cobra algo por desapuntarse, a ficha diche antes que che custa.

Como desapuntarte

1. Abre Calendario e toca a clase na que estás apuntado.

2. Preme Desapuntarse.

3. A baixa faise ao momento: xa non apareces na lista e, se o teu box non a penaliza, o crédito volve á túa conta.

Que che custa e ata cando podes

Cando estás apuntado a unha clase, a súa ficha diche que che custaría desapuntarte nese momento. Por exemplo: «Se te desapuntas agora: +1 min na túa próxima apertura de reservas.» Se agora non che custa nada, non aparece.

O teu box pode fixar un momento a partir do cal xa non podes desapuntarte ti mesmo. Pasado ese momento, o botón Desapuntarse desaparece e a ficha explícacho, por exemplo: «Xa non podes desapuntarte: o prazo rematou ás 17:30. Se non podes vir, avisa o teu box.» Tampouco podes desapuntarte dunha clase que o box pechou nin dunha que xa comezou. Nestes casos, fala co teu box.

Se é a túa clase de proba, tampouco ves o botón: a clase mostra «Clase de proba: só o box pode cambiala ou anulala.». Se non podes ir, avisa o teu box para que a cambie ou a anule.

Cando desapuntarte ten custo

Algúns boxes cobran algo por desapuntarse: uns minutos de atraso na túa próxima apertura de reservas, o crédito da clase, ou as dúas cousas. Decídeno nas súas regras de reserva, e pode depender da antelación: por exemplo, un minuto por calquera baixa e o crédito se te desapuntas na última hora.

O botón Desapuntarse cancela ao momento, custe ou non: o que che custa xa o liches antes na ficha. Unha baixa non se pode desfacer.

Que fai a sanción

• Atrasa a túa próxima apertura semanal. Se o teu box abre as reservas da semana seguinte nun día e unha hora concretos, a ti ábrenseche uns minutos máis tarde, unha soa vez. Se te desapuntas varias veces antes desa apertura, os atrasos súmanse. Aos demais socios non lles afecta. Non cambia o que xa podes reservar da semana en curso.
• Pode quitarche o crédito, se o teu box o activou. Entón ese crédito non volve e non podes volver apuntarte a esa mesma clase. As demais clases non cambian.
• A praza queda libre sempre, teña ou non sanción.

Ao desapuntarte, a app móstrache un aviso co que se aplicou, por exemplo «Desapuntácheste. Perdes o crédito e a túa próxima apertura atrásase 30 min.»

Nota

A sanción só se aplica cando es ti quen cancela a túa propia reserva. Se é o persoal do box quen te quita dunha clase, recuperas o crédito e non hai sanción.

Erros frecuentes

• Quero volver apuntarme e non podo. Se perdiches o crédito desa clase, a app avísao e non deixa reservala outra vez.
• O botón xa non está. A ficha diche por que: pasou o prazo do teu box, a clase está pechada ou xa comezou.
• É a miña clase de proba e non podo desapuntarme. É así a propósito: pídelle ao teu box que a cambie ou a anule.