Como xestionar un box de CrossFit paso a paso

Para xestionar un box de CrossFit con RoninBox abonda cunha rutina curta cada semana: mirar as clases que veñen, atender os pendentes de cobro, revisar o equipo e avisar os socios do que cambie. Case todo o demais faino o programa só, unha vez configurados o horario e as tarifas. Esta guía dáche esa rutina, coa pantalla de cada tarefa.

Se o box é novo, comeza por Primeiros pasos. Aquí damos por feito que xa tes actividades, tarifas e horario.

O que RoninBox fai por ti

• Ofrece as clases do horario cada semana, sen crealas unha a unha.
• Xera a mensualidade de cada socio con tarifa.
• Avisa por correo á lista de espera cando se libera unha praza.
• Bloquea as reservas de quen leva impago máis alá dos días de graza.

Cada día: 5 minutos

1. Abre o panel de inicio. Indícache as próximas clases, canta xente hai apuntada sobre o aforo, e avisa en vermello se algunha ten máis xente que prazas. Mira Panel de inicio.
2. Mira a clase que vai comezar. Desde o calendario ves quen vén e podes apuntar alguén ou quitalo. Mira Xestionar unha clase.
3. Cobra o que entra polo mostrador. Busca o socio e rexistra o efectivo ou o TPV. Tamén o poden facer os adestradores. Mira Cobrar en efectivo ou con TPV.

O panel do administrador: as catro tarxetas e as próximas clases.

Cada semana: 15 minutos

Horario e reservas

• Revisa o calendario da semana que vén. Se hai unha clase que non se vai dar, péchaa ou bórraa desde a lista de eventos. Mira Calendario do administrador.
• Se o box pecha por vacacións, crea un festivo. Mira Festivos e días sen clase.
• Se tes a apertura semanal activada, lembra que as clases da semana seguinte se abren o día e a hora que escolliches. Mira Reservas con lista de espera e penalizacións.

Adestradores

O cadrante mostra a semana con quen dá cada clase. As regras de adestradores calcúlano só, e podes fixar a man a quen queiras para un cambio puntual. Mira Cadrante de adestradores e Regras de adestradores.

Cobros

Filtra a lista de socios por pagamentos pendentes e revisa quen debe. Un socio con mensualidade sen pagar pode seguir reservando durante os días de graza que fixases. Mira Impagos e días de graza.

WOD e comunicación

• Publica os WODs. Os de tipo WOD non os ven os socios ata que teñen data de publicación. Mira Crear un WOD.
• Se algo cambia para todos (un peche, unha norma), crea un anuncio. Mira Anuncios.
• Para falar cunha persoa, usa unha mensaxe. Mira Mensaxes.

Cada mes: 20 minutos

1. Abre a facturación mensual. Mira o proxectado, o cobrado e o pendente do mes. Mira Facturación mensual.
2. Anota ingresos fóra de mensualidade, como unha camiseta ou unha inscrición, en pagamentos xenéricos. Mira Pagamentos xenéricos.
3. Mira as estatísticas de tarifas, altas novas e asistencia diaria. Mira Estatísticas do box.
4. Revisa as cifras do equipo: clases, horas e asistentes por adestrador. Mira Estatísticas de adestradores.
5. Actualiza prezos se toca, cunha tarifa encadeada: os socios pasan á nova na súa próxima mensualidade. Mira Tarifas encadeadas.

A facturación do mes: proxectado, cobrado e pendente.

Precaución

Escolle o tipo de mensualidade ao abrir o box e non o cambies con socios en marcha. «Mes Natural» non é o mes de calendario: é un período de 28 días desde o inicio de cada socio. Mira Tipo de mensualidade.

Cando algo falla

A maioría dos problemas diarios (un socio que non pode reservar, un pagamento que non aparece, unha clase que non sae) están resoltos en Solución de problemas.

Seguinte paso

Se queres ver como quedaría esta rutina coas clases e as tarifas do teu box, ponte en contacto co equipo de RoninBox a través de roninbox.com.