Tipo de mensualidade: Mensual ou Mes Natural

O tipo de mensualidade decide como se contan os períodos de facturación de todo o box. Hai dúas opcións, e os seus nomes enganan, así que leas con calma antes de escoller.

Precaución

Os nomes da pantalla están ao revés do que se espera. Mensual é o mes de calendario (do día 1 ao último día do mes). Mes Natural é un período que comeza o día que comeza cada socio e dura 28 días máis.

Está en Axustes do box ▸ Axustes de cobro, no campo Tipo de Mensualidade.

O campo Tipo de Mensualidade, en Axustes de cobro.

Como funciona cada opción

Mensual: mes de calendario

• Cada mensualidade comeza o día 1 e remata o último día do mes.
• Todos os socios cambian de período o mesmo día.
• Exemplo de outubro e novembro: do 1 ao 31 de outubro e do 1 ao 30 de novembro. En febreiro remata o 28 (ou o 29).
• Ao crear mensualidades a man non se escolle data de inicio: cada mes que marques comeza o día 1.
• Os períodos non se poden mover nin acurtar cos botóns de data.
• A regra de fondo é que un período dura un mes: remata un mes despois de comezar, menos un día. Por iso, se algunha mensualidade comeza outro día (por exemplo, unha creada por outro camiño o día 2), rematará o día 1 do mes seguinte. As que crean o diálogo de mensualidades e o proceso mensual comezan sempre o día 1.

Mes Natural: período desde a data de inicio do socio

• Cada mensualidade comeza o día que comeza o socio, ou a data que escollas ao creala, e remata 28 días despois. Como se conta o día de inicio e o de fin, cada período cobre 29 días.
• O seguinte período comeza o día seguinte a que remate o anterior. Cada socio ten o seu propio ritmo e as datas duns e outros non coinciden.
• Exemplo: un socio comeza o 5 de outubro. O seu primeiro período vai do 5 de outubro ao 2 de novembro. O seguinte vai do 3 de novembro ao 1 de decembro. O seguinte comeza o 2 de decembro.
• RoninBox prepara o seguinte período unhas dúas semanas antes de que remate o actual.
• Ao crear mensualidades a man escolles a data de inicio: Agora ou un luns das próximas semanas.
• Se o socio xa usou todas as súas clases, pode adiantar o inicio do seguinte período (ver Pagamentos en liña), e ti podes facelo desde o diálogo de crear mensualidades. O período actual péchase o día anterior e os días que lle quedaban pérdense. Unha tarifa ilimitada nunca se acurta.
• Ao pagar en liña, o socio pode atrasar o inicio do seu período ata 28 días como máximo, e só mentres non haxa ningún pagamento rexistrado.

Outras cousas cambian segundo a opción:

	Mensual	Mes Natural
Período	Mes de calendario	28 días desde o inicio do socio
Columna do período na ficha	Nome do mes	Data de inicio e de fin
Botóns de editar datas	Non	Si
Diálogo de crear mensualidades	Sen data de inicio	Con data de inicio
Impagos	Calquera mes anterior sen pagar bloquea as reservas	Conta a mensualidade que cobre o día da clase

A última fila explícase en Impagos e días de graza.

Cambiar a opción

1. Abre Axustes do box ▸ Axustes de cobro.

2. En Tipo de Mensualidade escolle Mensual ou Mes Natural.

3. Garda o formulario.

Precaución

Escolle o tipo ao abrir o box e non o cambies con socios en marcha. As mensualidades xa creadas conservan as súas datas, e un box con períodos das dúas clases mesturados é difícil de ler e de cobrar.

Editar as datas dun período (só Mes Natural)

Con Mes Natural cada fila da lapela Mensualidades da ficha do socio ten dous botóns de lapis e calendario, antes da papeleira:

• Editar inicio da mensualidade: abre un diálogo coa data de inicio. Ao gardar, o fin volve calcularse: 28 días despois do novo inicio.
• Editar fin da mensualidade: abre un diálogo coa data de fin. Só cambia o fin e non toca o inicio.

1. Abre a ficha do socio e entra en Mensualidades.

2. Preme o lapis do período para cambiar o inicio, ou o calendario para cambiar o fin.

3. Escribe a data co formato día/mes/ano ou escóllea no calendario.

4. Preme Gardar.

Exemplo: o período do 5 de outubro ao 2 de novembro. Se cambias o inicio ao 8 de outubro, o fin pasa a ser o 5 de novembro. Se despois cambias só o fin ao 31 de outubro, o período queda do 8 ao 31 de outubro.

RoninBox rexeita o cambio e dite o motivo se:

• o fin queda antes do inicio;
• o período remataría antes da última clase que o socio xa fixo ou ten reservada nel;
• o período se solaparía con outra mensualidade do mesmo socio.

Ao mover as datas, as clases do período axústanse ás datas novas.

Consello

Se cambias o inicio dun período que acurtaches antes, o fin recalcúlase e o período recupera os 28 días. Revisa o fin despois.

Erros frecuentes

• Escollín «Mes Natural» crendo que era o mes de calendario. Se os teus socios deben pagar todos o día 1, a túa opción é Mensual.
• Non vexo o lapis nin o calendario da fila. Só aparecen con Mes Natural.
• Quero alongar un período e dáme erro de solapamento. O período seguinte do socio xa comeza antes da nova data de fin. Se ese período seguinte é a mensualidade que sobra, bórraa primeiro: xa non se volve crear, e despois alongas a data de fin sen solapamento (ver Mensualidades).